Фарзанд учун Қуръон ўқиш
Ассалому алайкум! Аёл ҳомиладорлик вақтида Қуръон ўқиса ва эшитса фарзандга жуда фойдали деб эшитган эдим. Мен тажвид қоидаларини унчалик мукаммал билмайман, аммо Аллоҳ қодир қилганича баъзи сураларни ўқийман, агар мен ҳам ҳомиладорлик вақтимда Қуръон ўқисам тажвид қоидаларини тўлиқ билмаганим учун албатта хатоларим бўлади, бу фарзандимга зарарли эмасми, ёки бу пайт фақат эшитганим афзалми Қуръон ўқишдан кўра?
– Ва алайкум ассалом! Зарарли эмас. Оятларнинг маъноларини бузадиган даражада хато қилиб, ҳарфлар махражларини чалкаштириб юбормаётган бўлсангиз бўлди. Агар шундай бўлса дарҳол қироатингизни тўғирлаб олинг. Акс ҳолда намозларингизда путур етади. Ҳозирда Қуръони Каримни тўғри ўқишни ўрганиш муаммо эмас. Юртимизда фаолият олиб бораётган Қуръони Карим ва тажвид курсларига ёзилиб бемалол таълим олишингиз мумкин. Валлоҳу аълам!
