Қарзни рибога пул олиб узиш

Ассалому алайкум, ҳурматли Шайх Ҳазратлари! Саволимга излаш хизматидан жавоб топа олмадим, такрорий бўлса узр. Мен бир болага автоуловни тақсит савдосига берган эдим. Бир неча ой тўлаб юргандан сўнг, муддатидан илгари узиш мақсадида, менга қарзнинг қолган қисмини тўлиқ олиб келиб беришини айтди. Пулни қаердан оласан десам, бир одамдан фоизга оламан, деб жавоб берди. Мен унга бу ишнинг рибо эканлигини тушунтирдим. Аммо у барибир олиб келди. Мен шу пулни олсам бўладими? Ундан ташқари, унга фоизга пул берган одам, қарзини тўлиқ оволгунига қадар, автоуловни боланинг номига ўтказиб бермаслигимни илтимос қиляпти. Унга нима деб жавоб берай? Аллоҳ сизни Ўз паноҳида сақлаб, илмингизни зиёда қилсин.