Улар валадазиноми
15:20 / 18.05.2023 | Abdullokh | 669
Ассалому алайкум! Ҳаммага маълумки никоҳсиз дунёга келган фарзанд динимизда валадазино ҳисобланади. Мусулмон бўлмаган давлатларда ёки мусулмон бўлмаган инсонлар биз каби турмуш қураётиб никоҳ ўқитишмайди. Шунда улар ўртасида дунёга келган фарзанд ҳам валадазино ҳисобланадими?
«Зикр аҳлидан сўранг» ҳайъати:
– Ва алайкум ассалом! Ғайридин эркак ва аёл ўз динларидаги қоидаларга мувофиқ шаклда никоҳланган бўлишса уларнинг никоҳи боғланган ва улардан туғилган бола уларнинг фарзанди ҳисобланади. Валади зино эмас. Агар ўзларининг эътиқодларига кўра алоқалари зино ҳисобланса улардан туғилган бола валади зинодир. Валлоҳу аълам!
