Ўқув марказ очиш
Ассалому алайкум! Ман ўзим ёшликдан iTга қизиқиб келаман, шу қизиқишим учун 3-4 йиллардан буён шу йўналишда ўқидим. Энди ўзимиз шаҳарда iT ўқув марказ очмоқчиман катта ва кичикларга iT ҳақида билим бериш учун. Лекин ҳозирда жуда кўп iT сентерлар бор уларни жуда кўп боллар ўқиб чиқади кўп пул сарфлаб лекин кўпчилиги ҳеч қаерда ишлай олмайди, базида ўзим ҳам ўйлаб қоламан ман ҳам ўқув марказ очсам болларни пулини олиб ўқитсам кейин улар ишга жойлаша олмаса ман фақат пул учун ишлаб қолган бўлмайманми шуни ўйлаб қўрқиб қоламан. Чунки ўзим ҳам ўқув марказни тугатганман, лекин ишга кира олмадим, ўзимга иш топиш учун шу режани туздим, сабаби бизни шаҳарда катта iT центр йўқда. Сиз тепадаги фикрларимга қандай изоҳ билдирасиз.
– Ва алайкум ассалом! Ахборот технологиялари соҳаси жуда ҳам кенг. Сиз таълим бермоқчи бўлган йўналиш инсонларга фойда келтирадиган, оғирини енгил қиладиган, турмуш қулайликларини оширадиган ишларни ўргатса бемалол шундай ўқув марказ очаверинг. Иш топиб беришга сиз масъул эмассиз. Битирувчи ўзи жонбозлик кўрсатиб, иш топиб кетиши керак. Муҳими сиз берадиган илм инсонлар учун манфаатли бўлса бас. Аммо ўйин дастурлар ишлаб чиқиш каби одамларнинг вақтини беҳуда кетишига сабабчи бўладиган соҳа бўлса уларни ўргатманг. Валлоҳу аълам!
