Розилик
Ассалому алайкум! Мени бир савол қийнаяпти. Бир инсон оғзида розиман десаю ичидан норози бўлса нима бўлади? Масалан: Мен бир кишидан пул олиб турсаму, лекин пулни эгасига қайтаришга ҳозирча имконим бўлмай турса, буни билган пул эгаси “Майли пулни бермасангиз ҳам розиман” деса лекин ичидан норози бўлса. Ёки қандайдир вақт мен билан тортишиб қолганда, ичида “шу мендан қарз олганди, бермади” деса. Шундай ҳолларда қиёматда мендан талаб қиладими “бу пул олиб, кейин қайтариб бермаган” деб? Аҳир мен уни ичини билмайманку, у менга ўз оғзи билан шарт эмас розиман деган.
– Ва алайкум ассалом! Розиман деган бўлса қарзни талаб қилиш ҳақи соқит бўлиб, сиз ундан қарздор бўлмайсиз. Аммо қарзни тўлашга имкониятингиз бўла туриб, бепарволик қилиб уни шундай қилишга мажбур қилганингиз учун гуноҳкор бўласиз. Валлоҳу аълам!
