Ассалому алайкум! Ёшлигидан яъни 16 ёшида ўзи мастурбатсия қилса намоз ўқиш фарз бўладими вояга етган ҳисобланадими ва кейин ғусл қилиш вожиб бўладими ёки фақат тушида булғанса намоз фарз бўладими?
– Ва алайкум ассалом! 15 ёшга тўлиши билан балоғатга етган ҳисобланади.
БАЛОҒАТГА ЕТИШ АЛОМАТЛАРИ
Ўғил боланинг балоғатга етганлигининг уч аломати:
1. Тушида булғаниши;
2. Тушида булғанмасада балоғатга етмай уйланган бўлса, маний келиши ва аёлини ҳомиладор қилиши;
3. Икки аломат топилмаса, ўн беш ёшга тўлиши билан болиғ ҳисобланади.
Қиз боланинг балоғатга етиш аломатлари қуйидагилардир:
1. Энг ками тўққиз ёшга кирганда ҳайз қонини кўриши. Ундан аввал кўрган қони ҳайз ҳисобланмайди;
2. Тушида булғаниши билан;
3. Ҳомиладор бўлиши;
4. Ўн беш ёшга тўлиши. Валлоҳу аълам!