Дастурлаш соҳасида лойиҳамиз ҳукми
Ассалому алейкум! Биз дастурчи бўлиб ишлаймиз. Ҳозир қилаётган лойиҳамизнинг мақсади ресторан, кафелар менусини вэбсайт кўринишида, мижозларга тақдим қилишдан иборат. Ҳар бир столда махсус QR код бўлади, QR код сканер қилинади ҳамда сканер қилинган код ўша ресторант ёки кафе нинг менусини вэбсайт кўринишида мижозларга қулай қилиб кўрсатиб беради. Ҳар бир ресторан, кафеларнинг менюси турлича. Баъзи ресторан, кафеларда шариатда ҳаром қилинган ароқ ва шунга ўхшаш ичимликлар ҳам бор. Савол: Агар шу проектни давом эттирсак ва оммага тадбиқ қилсак, ҳаром ишга аралашиб қолмаймизми?
– Ва алайкум ассалом! Ҳаром нарса сотадиган кафе ресторанларни ўша рўйхатга қўшманглар. Агар қўшсангиз уларни ҳаром ишларига одамларни далолат қилган бўлиб, гуноҳларига шерик бўласизлар. Валлоҳу аълам!
