Қасамнинг каффороти
21:08 / 05.10.2023 | ... | 704
Ассалому алайкум! Агар бир одам «Аллоҳ учун бу ишни қилмасликка ваъда бераман» деб айтди ва вақт ўтиб ўша ишни қилиб қасамини бузди. Сўнгра қасамни бузганлиги каффороти учун ўн кишини таомлантирди. Кейинчалик бошқа қасам ичмасдан аммо яна ўша ишни қилса яна каффороти вожиб бўладими? Ёки каффорот бир марта адо этиладими?
«Зикр аҳлидан сўранг» ҳайъати:
– Ва алайкум ассалом! Айтган гапи қасам эмас, ваъда экан. Ваъдани бузиш каффоротни вожиб қилмайди. Агар ўша гапига қасам сўзини қўшиб айтган бўлса ана унда қасам бўлади. Қасам лафзларида “ҳар қачон, ҳар доим” каби сўзларни айтмаган бўлса ўша ишни такроран қилиш каффоротни қайта вожиб қилмайди. Валлоҳу аълам!
