Даволаниш

Ассалому алайкум! Саволлар архивини ўқиб бир саволга кўзим тушди. Сеҳр ва кўз тегиши ҳақида шайх Ҳазратлари кўз теккан ва сеҳр килинган одамдаги ҳолатларни айтиб шундай деган эканлар : “киши бесабаб ҳавфсираса, юраги безовта бўлса, сиқилса, боши оғриса, узрсиз ҳафалик бўлса ва ҳо казоларни санаб у кишига кўз теккан ёки сеҳрланган бўлади” деган эканлар. Мен бир неча йилдан бери худди бу ерда ёзилганларидек касалликлар билан курашиб келаяпман. Яъни бесабаб ҳафалик, асабийлашиш, юрак безовталиги, бош оғриши, ҳавфсираш.  Врач кўригидан эса ҳеч гап йўқ чиқади. Мен шунча йилдан буён “даволаниш медицина тарафидан бўлиши керак” деб келгандим, энди мендаги даволаниш шайхимиз айтганларидек кўз теккан ёки сеҳр килинганга қарши қаратилса тўғри бўладими? Иккиланганимни сабаби менда шайхимиз айтганларидек кўп ухлаш ўрнига уйқусизлик, кўп сийиш йўқ, рангим сарғаймаган, ёки кўз теккан сеҳрланган бўлишига мен келтирган аломатлар етарли бўлмайдими?