Яратиш фақат Аллоҳга хосдир
Ассаламу алайкум ва роҳматуллоҳи ва барокатуҳ! Ҳурматли Устоз, ҳозирги вақтда адабиётда, ОАВ, китобларда, ижодда кўпинча яратиш сўзи кенг ишлатилмоқда. Улар инсонга яратиш хусусиятини беришмоқда. Холбуки, яратиш фақат Аллоҳ таолога хосдир. Яратиш йўқдан бор қилиш бўлса керак менимча. Инсонни бирон нимани яратти деб, унга нисбат бериш умуман мантиққа тўғри келмайди. Инсонга ихтиро қилди, кашф қилди, қурди, тузди, барпо қилди, ижод қилди каби тушунчалар билан нисбат берилса, менимча тўғри бўлади. Чунки инсон бор нарсалардан фойдаланиб бирон иш қилиши мумкин. Инсон йўқдан бор қила олмайди хеч қачон. Сиз мана шу мавзуга қандай фикр билдирасиз?
– Ва алайкум ассалом! Бу гапни кўп вақтдан буён кўп марталаб айтиб келинмоқда. Аммо одамларимиз ўта бепарволар. Шунинг учун ҳам, бу каби тезда тузатилиши лозим бу ва бунга ўхшаш кўпгина нарсалар тузатилмай келиняпти.
