Маййит
22:50 / 31.08.2016 | Салават | 3178
Ассалому алайкум! Биз томонларда маййит дафн қилингандан маълум вақт ўтгач, маййит қариндошларидан бирор киши оламдан ўтса, «майит кафан чайнабди энди қариндошлари бирин кетин ўлиб кетади. Тезрок маййитни кавлаб уни бўлакларга бўлиб кўмиш керак, фалонча шундай қилибди» деган гаплар юради. Сизлардан илтимос шу масалани шаръий томондан тушунтириб беринглар. Биз томонларда тўй маракаларда жуда кўп бидъат хурофотларга йўл қўйилади.
«Зикр аҳлидан сўранг» ҳайъати:
Ва алайкум ассалом! “Маййит кафан чайнабди энди қариндошлари бирин кетин ўлиб кетади” деган гап нотўғри. Дафн қилингандан кейин қабрни очиш ҳаром ва оғир гуноҳ ҳисобланади. Мўмин киши тақдирга иймон келтирганидан кейин бундай гапларни гапириши тўғри эмас. Иймонига путур етиб қолади. Валлоҳу аълам!
