Зикр аҳлидан сўранг – Фикр

Ассалому алайкум, Ҳазрат. Савол жавоблар хизмати йўлга қўйилиб мана қанча юртдошларнинг кўплаб билмаган масалаларига ечим топилмоқда. Бунинг учун сизга ва бу ишга хизмат қилаётганларга миннатдорчилик билдираман. Шу ўринда баъзи фикрларни билдирмоқчи эдим. 1. Саволларга жавоб берилмаган ҳолатда олдиндан белгиланган сабаблар рўйхати тузилса. Кимнингдир саволига жавоб берилмаганда админлар оператив шу рўйхатдан сабабини танласа. Мисол "Бу бу бандга кўра саволингизга жавоб берилмади". Чунки кўпчилик саволларимга жавоб ололмадим деб бу ишдан тўхташмоқда. Кўпчилик почтасини очиб текширишни билмайди. Шунинг учун жавобсиз саволлар бошқаларга кўринмайлиган қилиб сақланиб қолса. 2.Саволлар берилганда савол берувчи ҳақида хос қисқа маълумот кетса (ҳамма учун тааллуқли эмас). Чунки у энди исломни таниган илмсиз киши бўлиши мумкин (бу жуда нозик) ёки у кишига оид ўзига хос маълумот бўлиши ва бу саволнинг моҳиятини очишга ёрдам бериши мумкин. Қилаётган хайрли ишларингизда Ўзи мадад берсин.