Фотиҳа сурасининг 1-ояти «бисмиллоҳ»ми?
00:00 / 15.02.2007 | eski savollar | 3519
Ассалому алайкум ва раҳматуллоҳи ва баракатуҳ! Ҳурматли шайх жаноблари сизга қуйидаги саволни бермоқчи эдим: Фотиҳа сурасининг биринчи ояти «Бисмиллаҳир Роҳманир Роҳийм» деб айтишди шу тўғрими? Агар тўғри бўлса намознинг ҳар ракатида ўқиладиган Фотиҳа сурасининг бошини «Бисмиллаҳир Роҳманир Роҳийм» билан бошлаш керак бўладими? Жавобингиз учунаввалдан ташаккур.
Шайх Муҳаммад Содиқ Муҳаммад Юсуф роҳимаҳуллоҳ:
– Ва алайкум ассалом! Ҳанафий мазҳабида, Ҳанабалий мазҳабидаги аксар уламолар наздида ва кўпчилик фақиҳлар ижтиҳодида Бисмиллаҳ Фотиҳа сурасининг ёки бошқа сураларнинг ояти эмас. У сураларнинг орасини бўлиш учун нозил бўлган алоҳида оятдир. Шунинг учун уни намозда овоз чиқариб ўқилмайди.
