Қуронни маносини билмай ўқиш
Ассалому алайкум! Мeн ўқиб Қуръонни хатм қиламан. Қуръон оятларини баъзиларини маъносини биламан баъзиларини эса билмайман. Лeкин барибир ўқийвeраман. Қуръон оятларини маъносини билмай ҳам ўқиса бўлавeрадими?
Ва алайкум ассалом!
Бўлади. Чунки ёдлашга киришаётганлар ҳам кўпинча ёш болалар бўлиб, уларга оят маъноларини англатиш анча мушкул. Бироқ Қуръон тажвидини мукаммал ўргатмоқ лозим. Чунки тажвидсиз Қуръон ўқиш гуноҳ. Бундан ташқари, арабча талаффузга ёшликда тилни яхши ўргатиб олиш керак. Ёш улғайгач, ҳар қанча уринса ҳам ҳарфларни махражидан чиқариш қийин бўлади. Қуръон ёдлатувчи устоз талабаларга илм ўрганиш фарз амали эканини, Қуръон маъноларини билиб, ҳаётда унга амал қилиш зарурлигини тинимсиз уқтириб бормоғи лозим.
Устозимиз раҳимаҳуллоҳнинг "Ҳадис ва Ҳаёт" китобларидан “Қуръон фазилати” 30-жузини ўқисангиз жуда кўп маълумот оласиз. Валлоҳу аълам!
