Исо (а.с) ҳақида

Барт Эрман деган Америкалик библияшунос олим "Исо қандай қилиб худога айланиб қолди" деган китобида Исо (а.с) ҳеч қандай худо эмаслигини, уни ҳеч ким худо ҳам демаганини, балки Исроилга элчи бўлиб келганини илмий равишда қадимги қўлёзмалар билан исботлаб берди. У ўша китобида насронийлар “Исо (а.с)ни ўлдирилган деб ишонадиган кечада ҳаворийлар Исо (а.с)ни ўлмаганини, балки осмонда эканини билишарди” деган фикрга яқин қарашни баён қилган. Аммо бизга Исо (а.с) ни ўлдирилмагани, балки Аллоҳнинг ҳузурида эканлиги Қуръон нозил бўлганидан кейин аён бўлди. Муҳтарам устоз, Исо (а.с)нинг ўлдирилмагани, Аллоҳ у кишини Ўз ҳузурига кўтаргани ҳақиқати Қуръон нозил бўлмасидан олдин ҳам одамларга маълум эдими ёки бу ҳақиқат фақат Қуръон нозил бўлганидан кейин ҳаммага аён бўлдими?