Аканинг укага нисбатан тарбия бериши

Ассаламу алайкум! Укамнинг ёши 17да бўлиб, у бенамоз ва бетавфиқ. Мен тўнғич фарзандман, бир неча кундан бери намоз ўқишлигини насиҳат билан буюриб, ётиғи билан тушунтириб келдим. У эса парво қилмай, кўнглимга тушса ўқийман деб дангасалик қилиб келаябди. Ота-онам ҳам бепарволар, деярли унинг тарафини оладилар. Бугун ва ниҳоят беғазаб ақл билан, насиҳат ўлароқ намоз ўқимагани учун калтак билан бир-неча бор урдим. Ҳадисга мувофиқ 10 ёшда ўқимаса ота-оналар уришга буюрилган-ку. Мазкур қилаётган ишим тўғрими? Мен укамга ака сифатида қандай тарбия берай, у жоҳил бўлиб кетаябди. Уни гуноҳлардан четлатишга ҳаракат қилсам, ота-онам “аралашма” деб мени койийдилар. Xусусан дўстларим ўз сингиларини очиқ-сочиқ эркакшода юрганига сўкади ва уради. Ота-онаси бечора акани сўкади. У эса Аллоҳ таолонинг буйруғи учун жон куйдиради. Исломда ака ўз ука ва сингилларига қандай тарбия бермоқлари ҳақли? Исломда ука акасига қандай насиҳат қилиши ҳақли?