Макруҳми?
Ассалому алайкум! Азиз устозлар, икки кун аввал бир гап эшитдим, лекин ишонмадим. Эмизикли болага оналари, бувилари ва яна бошқалар нон чайнаб, шўрванинг сувида юмшатилган нон ёки эзилган картошка едиришади. Шундай ҳолатларда боланинг лаби атрофига ёпишиб қолган нон ёки картошкани, болага едириб булггач қошиқ ёки идишда қолиб кетган нон ёки картошка қолдиғини чақалоқдан бошқа биров ейиши маруҳ эмиш. Бу гапга ишонмадим-у, лекин намозхон аёл ва унинг ўғли шу гапни айтгани мени иккилантирди. Шу гап ростми ёки илмсизликдан келиб чиққан бидъатми?
Ва алайкум ассалом! Буларнинг ҳаммаси бекор гап. Одамдан, отдан ва ҳар бир гўштини еб бўладигандан ортиб қолган сув покдир. Бу ерда «одамдан» дейилиши номики одам бўлса, ундан қолган сув пок бўлишини англатади. Одам мўминми, кофирми, хотинми, эркакми, каттами, кичикми, жунубми, ҳайз кўрганми – фарқи йўқ. Фақат ароқ ичган бўлмаса бўлди. Агар ароқ ичган бўлса, оғзи нажас бўлгани учун унинг оғзидаги ва оғзи теккан нарсалар ҳам нажас бўлади. У оғзидаги нажосатни кетказиш учун уни ювиши, сув ичиши ёки тупугини уч марта ютиши лозим.("Кифоя" китобидан). Валлоҳу аълам!
