Аҳли аёлни ибодатга жалб этиш йуллари
00:00 / 18.07.2009 | eski savollar | 2511
Бисмиллаҳир роҳманир роҳийм. Ассалому алайкум Шайх хазратлари. Аллоҳ Аллоҳ йўлида қилаётган барча ишларингизда мададкор бўлсин. Хазрат менинг саволларим қуйидагича Аҳли-аёлни ибодатга жалб этиш учун қандай ҳаракат қилиш керак, босқичма-босқич тушунтириб беринг. Чунки одамларни билиб-билмай ҳидоятга чақириш уларни Аллоҳ йулидан янада узоқлаштириши мумкин. Шунинг учун ушбу жараён илмий асосда қандай бўлиши лозим.Жавобингиз учун олдиндан раҳмат. Жахонгир Мухамедов, Тошкент шаҳри.
Шайх Муҳаммад Содиқ Муҳаммад Юсуф роҳимаҳуллоҳ:
Тарбияни кичиликдан олиб бориш керак. Вояга етганда ҳеч муаммосиз амалларни қилиб кетилаверади. Эътиқод масалалари яхшилаб ўргатилиш лозим. Аввал фарзи айн бўлган ибодатлар йўлга қўйилади. Сўнгра вожиб, суннат амалларга ўтилади. Албатта, бу ишларнинг ҳаммаси яхши мавъиза, гўзал ўрнак асосида бўлгани яхши. “Руҳий тарбия” китобини ўқисангиз, тафсилотини топасиз.
