Фаҳш ишлар
22:25 / 15.07.2016 | Ibrohim | 3115
Ассалому алайкум! Сизлардан фаҳш ишларнинг энг кичиги ва каттаси ва уларнинг зоҳирий ва ботиний кўринишлари ҳақида жавоб олсам хурсанд бўлардим.
«Зикр аҳлидан сўранг» ҳайъати:
Ва алайкум ассалом! Аллоҳ таоло “Анъом” сураси 151-оятида марҳамат қилади: «Фаҳш – гуноҳ ишларнинг ошкорасига ҳам, махфийсига ҳам яқинлашманг». Урфда «фаҳш, фаҳш иш» деганда, маълум гуноҳ – зино тушуниладиган бўлиб қолган. Аммо, аслида ҳар бир чегарадан чиқиш – ҳаддан ошиш фаҳш ҳисобланади. Шунинг учун ҳам ҳар бир гуноҳ фаҳшдир. Мўмин-мусулмон нафақат фаҳш, бузуқ ишларни қилмаслиги, балки уларнинг яқинига ҳам бормаслиги керак. Чунки яқинига борганда, уни қилиш хавфи кучаяди. (“Тафсири Ҳилол” китобидан). Валлоҳу аълам!
