Фарз ва суннат намозлар даражалари
06:25 / 05.08.2016 | Нуриддин | 2732
Ассалому алайкум! Хислатли ҳикматлар шарҳи китоби 1-жузида “Фарз намозини адо этмай туриб бошқа намозлар қабул бўлмайди” деган иборани ўқидим. Саволим қуйидагича: Мени дўстларим фарз намозларини ўқишмайди. Лекин Рамазон ойи кирганда тарових намозларини ўқишади. Биламизки у намозининг даражаси суннати муаккада. Юқорида келтирилган иборага муносиб, буларнинг фарз намозини тарк қилиб ўқиган суннат намози қабул бўладими? Саволим чўзилиб кетганлигига узр сўрайман.
«Зикр аҳлидан сўранг» ҳайъати:
Ва алайкум ассалом! Улар шунчалик ўқиб туришганига ҳам шукур қилиб, фарзларни ўқишларига ҳам тарғиб қилиш керак. “Фарзни ўқимасанг суннатни ҳам ўқима” деб йўлдан уриш, бу шайтоннинг ишидир. Валлоҳу аълам!
