Шундай ҳадис борми?
10:01 / 06.09.2016 | Bahodir | 2614
Ассалому алайкум! Расулуллоҳ соллаллоҳу алайҳи васалламдан сўнг Жабриол алайҳиссаломни ерга тушишлари тўғрисида ҳадис мавжудми?
«Зикр аҳлидан сўранг» ҳайъати:
Ва алайкум ассалом! Ҳар қадр кечасида тушишлиги ҳақида оят бор. تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ 4. Унда фаришталар ва Руҳ Роббларининг изни билан барча ишлар учун тушадир. Ушбу оятдаги «Руҳ»дан мурод Жаброил алайҳиссаломдир. Қадр кечасида Жаброил алайҳиссалом бошчиликларида фаришталар Аллоҳ таоло келаси йилгача тақдир қилган ишлар ила тушадилар. Бу ҳам Қадр кечасининг шарафини оширадиган ишдир. (“Тафсири Ҳилол” китобидан “Қадр” сураси). Валлоҳу аълам!
