Кўп ел келиши
10:16 / 14.02.2017 | IQBOLBEK | 10563
Ассалому алайкум! Ҳурматли устозлар, мани бир муаммо қийнаб келади. Таҳорат олишим билан сал ўтмай ел келаверади. Баъзан ушлаб қоламан баъзан иложини қилолмайман. Намоз ўқишни бошламоқчидим, лекин чўчиябман. Ел тез-тез келаверса гуноҳ бўлмайдими?
«Зикр аҳлидан сўранг» ҳайъати:
Ва алайкум ассалом!
Намозни ҳозироқ бошланг. Аллоҳ таоло бандасини тоқатидан ташқари ишга буюрмайди. Сиз каби ҳолатга тушиб, намозида мустаҳкам бўлганлар минглаб кишиларни ташкил қилади. Ҳар намозга таҳорат олиб, таҳоратингиз кетса ҳам, кетмаса ҳам намозингизни ўқийверинг. Бу ерда гап фақат Аллоҳ таолонинг буйруғини тоқати етганича бажариш ёки бажармаслик ҳақидадир. Кўнглим бўлмаяпти деб ибодатни тарк қилишлар шайтоннинг васвасасидан бошқа нарса эмас. Валлоҳу аълам!
