Нусха кўчириш ҳақида
Ассалому алайкум ҳурматли Шайх Муҳаммад Содиқ Муҳаммад Юсуф ҳазратлари. Авваламбор сизни қимматли вақтизни олиб, савол юбораётган Сурхондарёлик мусулмон биродарлариз: Учқунжон, Камолиддин ва Акмалжонлар олдиндан сиздан узр сўраймиз. Бизни анчадан бери қийнаб келаётган уч-тўртта саволларимиз бор эди. Иложи бўлса шу саволларимизга қўлдан келганча жавоб берсайиз. Саволларимиз қуйидагича:1-савол: Бир мусулмон бошқа бир мусулмон биродарига савоб умидида исломга оид диний ма'рузалар ёзилган дискдан муаллиф ҳуқуқисиз нусха кўчириб бериши мумкинми? Ваҳоланки ўша дискдан бошқа ҳеч қаерда йўқ. 2-савол: Намозга такбир айтаётганда азон жумлалари жуфт қилиб айтилади-ми, ёки тоқ қилиб (я'ни биттадан жумласи) айтиладими?3-савол: Бир тадбиркор банкда айланмада бўлган пулидан закот бериши, садақа ёхуд қурбонлик қилиши мумкинми. Бу ҳақда шариатимизда нима дейилган?4-савол: Фарз намозларии ўқилаётган пайтда имом фотиҳа сураси ва ундан сўнг зам сура ўқиётганда муқтадий ҳам унинг орқасидан овозини чиқариб (ёхуд ичида) такрорлаши мумкинми? 5-савол: Номаҳрам аёл ёки қиз болага намоз сабоқларидан дарс берса бўладими? Аллоҳ барчамиздан рози болъсин!
– Ва алайкум ассалом! 1-савол: Бир мусулмон бошқа бир мусулмон биродарига савоб умидида исломга оид диний маърузалар ёзилган дискдан муаллиф ҳуқуқисиз нусха кўчириб бериши мумкинми? Ваҳоланки ўша дискдан бошқа ҳеч қаерда йўқ.
ТАСМАЛАРДАН НУСХА КЎЧИРИБ СОТСА БЎЛАДИМИ?
Эгалари устига «Нусха кўчириш ва тарқатиш ҳаққи ҳимояланган» деб ёзилган тасмалардан тижорий мақсадда нусха кўчириш жоиз эмас. Уни муҳофаза қилиш илмни беркитишга кирмайди. Чунки уларни сотилади ва тарқатилади.
Мажмуъатул фатавои шаръийя. 9-жуз. 181-бет.
2-савол: Ҳанафий мазҳабида жуфт қилиб айтилади.
3-савол: Пули нисобга етган бўлса, закот бериши фарз, қурбонлик қилиш вожиб ва садақа қилиш ихтиёрий.
4-савол: Мумкин эмас.
