ҳасса ҳақида
00:00 / 15.03.2007 | eski savollar | 1593
Ассалому алайкум шайҳ ҳазратлари. Сиздан бир нарсани соърамоқчи эдим.Маълумки имомларимиз жума намозида ҳутба қилаётганда қоълларига ҳасса ушлаб оладилар. Бу нарса пайгамбаримизСАВ нинг суннатлари экан. Саволим бунинг асл сабаби нима. Эштишимизга қараганда Росулуллоҳ даврларида динга одамларни таёқ билан уриб киргизишган экан. Шу ҳақда бизга маълумот берсангиз. Билмаганларимизни сиздек зотдан соъраш имконини берган Оллоҳ (ЖЖ)га бе ҳисоб шукурлар боълсин.
Шайх Муҳаммад Содиқ Муҳаммад Юсуф роҳимаҳуллоҳ:
Одамларни динга таёқ билан уриб киритган деганлар дин душманларидир.Фиқҳ китобларимизда сиз сўраган масала ҳақида қуйидагилар айтилган:«Хатибнинг хутба давомида чап қўлидаги асо, камон ёки қиличга суяниб туриши суннатдир.Абу Довуд ал-Ҳакам ибн Ҳазан розияллоҳу анҳудан қилган ривоятда қуйидагилар айтилади:«Набий саллоллоҳу алайҳи васалламнинг ҳузурларига ҳайъат ила бордим. У зот билан жумада ҳозир бўлдик. У зот қилич, камон ёки асога суяниб қисқа хутба қилдилар».Мазкур нарсаларга суяниш хатибга яхши имкон яратади. У ўнг қўлини минбарга суяб туради».
