Аза тутиш ҳақида
12:28 / 22.05.2017 | Shohjahon | 3697
Ассалому алайкум! Ҳалқимизда (асосан қишлоқ жойларда ёки кўплаб вилоятларда) инсон оламдан ўтгандан сўнг аза тутишади. 3 кундан кўп аза тутиш ҳаром амал эканлигини саволларга бeрилган жавобдан билдим. Лeкин шу амалларни қилганда маййит азобланиши мумкинми? шунингдeк йиғи-сиғи қилса ҳам. Жавобингиз учун олдиндан раҳмат.
«Зикр аҳлидан сўранг» ҳайъати:
Ва алайкум ассалом! Аслида ҳеч кимса бировнинг гуноҳини зиммасига олмайди. Аллоҳ таоло “Анъом” сурасида марҳамат қилади :
وَلاَ تَزِرُ وَازِرَةٌ وِزْرَ أُخْرَى
164. ...Ҳар бир жон ёмон касб қилса, зиёни фақат ўзигадир. Ҳеч бир юкли жон бошқанинг юкини кўтармас. Агар вафот топган вафотидан аввал “шундай қилинглар” деб васият қилган бўлса, уларнинг гуноҳидан насибадор бўлади. Валлоҳу аълам!
