Қурбонликдан кейин
11:59 / 07.09.2017 | Utkir | 5146
Ассалому алайкум! Ҳурматли устозлар, қурбонлик сўйилгандан кейин ҳар хил овқатларни қилиб, қўшни, оғаинларни чақирамиз. Дастурхонга дуо қилишдан аввал Исмоил алайҳиссалом ҳақларига оят ўқиса бўладими? Бир отахонимиз қурбон байрамида оят ўқиш шарт эмас деди.
«Зикр аҳлидан сўранг» ҳайъати:
Ва алайкум ассалом! Машина олган Довуд алайҳиссаломга, дурадгорлар Нуҳ алайҳиссаломга, деҳқонлар Одам алайҳиссаломга, тикувчилар Идрис алайҳиссаломга, сиз айтишингиз бўйича қурбонлик қилганлар Исмоил алайҳиссаломларга хослаб Қуръон ўқиш шариатимизда йўқ. Умумий тарзда Қуръон ўқиш, умумий тарзда уларга савоб бағишлаш жоиз. Валлоҳу аълам!
