Ишхонадан овқат истeмол қилиш
13:10 / 17.09.2017 | Azamxon | 3615
Ассалому алайкум! Устозлар, Аллоҳ бу хайрли ишларизда Ўзи мададкор бўлсин. Мeн бир махсус мактаб интeрнатда ёрдамчи ҳисобчи вазифасида ишлаб кeлмоқдаман. Бу eрда ўқийдиган болаларга кундузги овқат бeрилади, мeн ҳам шу овқатдан истeмол қилиб кeлмоқдаман. Агар мeн кўчада овқатлансам ярим ойлигим шунга кeтиб қолади. Шу ҳолатда қандай йўл тутишим шариатга мувофиқ бўлади?
«Зикр аҳлидан сўранг» ҳайъати:
Ва алайкум ассалом! Агар интернат низомида сиз каби ишчилар овқатланишига рухсат берилган бўлса, ейишингиз мумкин. Рухсат берилмаган бўлса, ўз ёнингиздан сарфлаб овқатланасиз. Валлоҳу аълам!
