Бойўғлилар ҳақида
Ассалому алайкум! Устозлар бази бир жойларда бойўғлилар сайраса кул ёки шунга ўхшаш нарсалар сeпиб хайдашар экан шу жойизми? Яна бир саволим шуки бир пайтлар мeн кумуш занжир сотиволувдим малум сабабларга кўра уни тақмадим энди тақмоқчиман. Кумуш занжир тақиб юрсам бўладими? Динимизда шунга рухсат борми? Жавобларингиз учун олдиндан раҳмат.
Ва алайкум ассалом! Бойўғли ҳақидаги сиз айтган гапларни динимизга мутло алоқаси йўқ. Жоҳилият даврида турли нарсалардан шумланиш мавжуд бўлиб, бу нарса уларнинг эътиқодига айланиб қолган эди. Жумладан, «Қаерга бойқуш қўнса, ўша ерда ёмонлик бўлади, ўша ер харобага айланади», деган эътиқод бор эди. Ислом бу нарсани ҳам инкор этди. Бировга кўнгилсизлик ёки ёмонлик етадиган бўлса, бойқуш ёки бошқа қуш қўнгани сабабли эмас, Аллоҳ таолонинг иродаси ила бўлади. Аллоҳ ирода қилса, ҳар қандай ҳолатда ҳам бандага хасталикни ориз қилганидек, бойқуш қўнса ҳам, қўнмаса ҳам ёмонликни воқеъ қилиши, гуллаб, яшнаб ётган жойларни харобага, вайронага айлантириши мумкин. Эркак кишига кумуш узукдан бошқа тақинчоқ жоиз эмас. Валлоҳу аълам!
