намоз

00:00 / 03.07.2010 | eski savollar | 1977

Ассаламу алайкум! хурматли шайх Мухаммад Содик Мухаммад Юусуф авваламбор Аллохга хамд ва сано пайгамбаримиз Мухаммад Мустафа (салаллоху алайхи вассаллам) га саловат ва саломлар булсин. Савол:- Намозда имомликга утиб тураман:бир биродаримиз бир сухбат вактида айтди:-Намозда имом рукудан турганда СамиАллоху лиман хамидах деб Роббана лакал хамдни айтмасдан бирданига Аллоху Акбар деб саждага кетилади деди . Роббана лакал хамдни имомга ергашганлар айтади деди .Биродаримизни кунглини ранжитмай деб хужжат сурамаган эдим .Агар бу савол йоки имловий хатолар сизга нокулайлик келтирса сиздан узр сурайман. Сиздан бир илтимос Аллохга дуо килинг Аллох хаммамиздан рози булсин. Ассаламу алайкум!

Шайх Муҳаммад Содиқ Муҳаммад Юсуф роҳимаҳуллоҳ:

Китоб ўқиганигизда бу саволни бериб овора бўлиб юрмас эдингиз. Бу ҳақда “Мухтасари Виқоя” китобида қуйидагилар айтилган:“Кейин бошини кўтаради ва самиъаллоҳу лиман ҳамидаҳни айтади. Имом шу билан кифояланади. Иқтидо қилувчи «Робанаа ва лакалҳамд»ни айтади. Якка намозхон иккисини жамлайди”.Бунинг далили қуйидагича:Абу Ҳурайра розияллоҳу анҳудан ривоят қилинади: «Пайғамбар соллаллоҳу алайҳи васаллам: «Қачон имом «самиъаллоҳу лиман ҳамидаҳ» деса, бас, сизлар: «Аллоҳумма Роббанаа лакалҳамду» денглар. Чунки, кимнинг айтгани фаришталарнинг айтганига мувофиқ келиб қолса, унинг ўтган гуноҳлари мағфират қилинади», дедилар». Бешовлари ривоят қилишган. Якка намозхон иккисини жамлайди. Пайғамбар соллаллоҳу алайҳи васаллам қачон «Самиъаллоҳу лиман ҳамидаҳ» десалар, кейин «Аллоҳумма Роббанаа валакал ҳамду», дер эдилар».Бухорий ривоят қилган.