Жума намозига бориш учун белгиланган ёш

Ваалайкум ассалом! Шариат жуманинг вожиб бўлиши учун балоғат ёшини белгилаган. 

Балоғатга етганлик аломатлари 

Ўғил боланинг балоғатга етганлигининг уч аломати:
1. Тушида булғаниши;
2. Тушида булғанмасада балоғатга етмай уйланган бўлса, маний келиши ва аёлини ҳомиладор қилиши;
3. Икки аломат топилмаса, ўн беш ёшга тўлиши билан болиғ ҳисобланади.
Қиз боланинг балоғатга етиш аломатлари қуйидагилардир:
1. Энг ками тўққиз ёшга кирганда ҳайз қонини кўриши. Ундан аввал кўрган қони ҳайз ҳисобланмайди;
2. Тушида булғаниши билан;
3. Ҳомиладор бўлиши;
4. Ўн беш ёшга тўлиши.
Қонун ҳар ким ўз динига тўла эътиқод қилиб амал қилишига рухсат берган. Валлоҳу аълам!