Абдуллоҳ ибн Умарнинг ўғилларини сўкканлари ҳақида
00:00 / 12.10.2010 | eski savollar | 2511
Ассалому алайкум ҳурматли Шайх Ҳазратлари.Қуйдаги ривоятга тўлиқроқ тушунча берсангиз. Абдуллоҳ ибн Умар бир куни айтдиларки: "Пайғамбаримиз соллаллоҳу алайҳи вассалам:"Аллоҳнинг аёл бандаларини Аллоҳнинг уйидан тўсмасангиз" деган ҳадисни айтдилар. Шунда ўғиллари:"Мен тўсаман", деган эканлар. Яъни аёлларни номаҳрамлардан тўсаман деган эканлар. Шунда Абдуллоҳ ибн Умарнинг жаҳллари чиқиб: "Мен сенга Пайғамбаримиз айтганлар десам, сен аёлларнинг масжидга боришларига қарши бўласанми?!" деб койиб, "Мен сени Аллоҳ учун ёмон кўраман" деган эканлар. Айрим ривоятларда айтилишича гаплашмай ҳам қўйган эканлар.Жавобингиз учун олдиндан раҳмат.
Шайх Муҳаммад Содиқ Муҳаммад Юсуф роҳимаҳуллоҳ:
- Бу маънода ривоят бор. Аммо ундаги маънога тескари – аёлларнинг жамоат намозига бормасликлари ҳақида ҳам бир қанча ривоятлар бор. Шунинг учун ҳам, Ҳанафий мазҳаби уламолари аёлларнинг масжидга боришларига мутлақо қарши турганлар. Уларнинг мутааххирлари (кейинги келганлари) фатво берган мазҳабга кўра, «аёлларнинг жамоатга ҳозир бўлишлари, жума бўлсин, ийд бўлсин, ваъз бўлсин, мутлақо макруҳдир. Агар қари кампир кечаси ҳозир бўлса ҳам. Бу замоннинг фосид ва фисқнинг зоҳир бўлгани учундир».
