Бир никоҳ ҳақида
18:25 / 16.07.2018 | Abdulloh | 3724
Ассалому алайкум! Бир одам хотинига аччиқ устида санга жавоб деган, лекин 3 талоқни ният қилмаган. Шундан сўнг никоҳ ўрталарида ўқилган. Никоҳ ўқиган киши аёлдан ризолик сўраган, аёл розилик берган, эрдан эса розилик сўраш эсидан чиққанда кейин эсига тушиб яна гувоҳлар гувоҳлигида эрдан розилик сўраган. Эр ҳам розилигини изҳор этган. Шу ўқилган никоҳ саҳиҳ бўладими?
«Зикр аҳлидан сўранг» ҳайъати:
- Ва алайкум ассалом! Куёв розиман деган сўзни келиннинг ҳузурида, битта мажлисда айтган бўлса никоҳ боғланади. Агар келин эшитмаган бўлса ёки бошқа мажлисда айтилган бўлса никоҳи боғланмайди. Валлоҳу аълам!
