Куфр сўзи айтиб қўйиб никоҳ узилиши
08:58 / 20.09.2018 | 1287
Ассалому алайкум! Ўтган сафар сизга "яна талоқ хақида" деб номланган савол юборган эдим, саволда куфрий сўзларим учун муртад бўлганманми, никоҳим бузулганми деб сўраган эдим. Сиз жавоб бергандиз, биз муртад бўлдиз деб ҳукм қилолмаймиз, никохни янгилаш қийин иш эмас деб айтгандингиз. Хўп мен никохимни янгиласам инша Аллоҳ шубха кўтарилади ва лекин 1 талоқ тушган деб хисоблаб юришим керакми?
«Зикр аҳлидан сўранг» ҳайъати:
- Ва алайкум ассалом! Никоҳ бузилиши бошқа нарса талоқ тушиши бошқа нарса. Ҳар бир никоҳ бузилганида орага талоқ тушди дейилмайди. Инсон куфр сабабли никоҳи бузилса никоҳи бузилган бўлади, никоҳини қайта ўқитиши керак бўлади, лекин уч имконият талоқдан бирортаси ҳам тушмаган бўлади. Валлоҳу аълам!
