Мушкамбар ҳақида

- Ва алайкум ассалом! Аллоҳ таоло “Аъроф” сурасида марҳамат қилади: 

 يَا بَنِي آدَمَ خُذُواْ زِينَتَكُمْ عِندَ كُلِّ مَسْجِدٍ وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ۝ 

31. Эй Одам болалари! Ҳар бир ибодатда зийнатингизни олинг. Еб-ичинг ва исроф қилманг. Чунки У исроф қилувчиларни севмас.
Ушбу ояти каримадан зийнатланиш остига покиза кийим ва хушбўйланишлар ҳам кириби кетади. Ояти каримада намоз ўқимоқчи бўлган инсон зийнатланиб олиши кераклиги айтилган. Шунингдек Расулуллоҳ соллаллоҳу алайҳи васалламнинг масжидларидаги устунлардан бири “Ал утуваанатул мухоллақо” деб номланар эди. Унга хушбўйликлар суртилиб, бутун масжидни хушбўй қилиб турар эди. Фуқаҳолар инсон намоз ўқийдиган жойини хушбўйлантиришни мустаҳаб санаганлар. Доимий хушбўйланиб юриш эса Расулуллоҳ соллаллоҳу алайҳи васалламнинг энг яхши кўрган суннатларидан бўлган. Жуманинг суннатларидан бири хушбўйланишдир. Валлоҳу аълам!