Чўнтакда нажосат қолиб кетса
Ассалому алайкум. Саволим шундан иборат: Агар таҳорат вақтида кийимнинг бирор жойида нажас кўриб қолсам, уни қоғозга ўраб, чўнтагимга солиб қўйсам, чиқиб ахлатга ташлайман, десам-у, кейин ёдимдан кўтарилиб, намоз ўқисам, намозни тугатиб бўлгач, чўнтагимга солган нарса эсимга тушса, намозни бошқатдан ўқийманми?
Жавобингиз учун олдиндан катта раҳмат. Нотўғри савол бўлса, узр сўрайман.
- Ва алайкум ассалом! Нажосатдан дирҳам миқдори (кумуш танга) афв қилинади. У қуюқ нажосатда бир мисқол, суюқда кафт миқдоричадир.
Ушбу миқдоргача оғирликда бўлган нажосат билан намоз ўқиш жоиз. Ундан ортиқ бўлса, ўқиб бўлмайди. Оз миқдордаги нажосатдан сақланиш қийин бўлганлигидан бунга рухсат берилган. Бир дирҳамнинг оғирлиги 2,975 граммдир.
Валлоҳу аълам.
Дин ишлари бўйича қўмитанинг хулосаси рақами: 2022 йил 03-07/1077
