Хаёлан талоқ қилса бўладими?

Ассалому алайкум! Устозлар, мен талоқ ҳақида ўйлаб турган эдим, шунда ўзим хоҳламаган ҳолатда аёлимга талоқ бериш сўзи хаёлимда айланди. Кейин тилимдан овоз чиқмаган ҳолатда тилимда шу сўз айлана бошлади. Сўзнинг ярмига бормасдан тилимни тишлаб олдим. Мен хаёлимда талоқ айтилди, бошқа жойда эдим, аёлим йўқ эди. Талоқ бериш ниятим йўқ эди, талоқ ҳақида ўйлаётган эдим. Шу ҳолатда талоқ тушадими? 2). Айрим ҳолатда аёлим ёнимда турганда хаёлимга талоқ бериш фикри ёки шунга ўхшаш сўзлар келади, лекин сўзларни гапирмайман. Бошқа нарсага чалғишга ҳаракат қиламан, аёлим билан яхши ҳолатда бўлсам ҳам шу сўзлар келади. Шунда талоқ тушадими? 3). Талоқ сўзини айтса, аёл эшитмаса тушадими? Одамлардан ҳеч ким эшитмаса-чи? Жавоб учун олдиндан раҳмат.