Эмикдошлар никоҳи
18:41 / 16.10.2018 | Mashhura | 2594
Ассалому алайкум! Биламизки, Аллоҳ эмикдошларнинг никоҳларини харом қилган. Бунда бир вақтда онани эмган фарзандлар ҳақида гап кетадими ёки бегона онани эмиш билан ўша болага эмган онасининг барча фарзандлари ака-сингил қаторида бўлиб қоладими? Масалан бир йигит ўзи билан бир вақтда сут эмган аканинг кейин туғилган синглисига уйлана оладими?
«Зикр аҳлидан сўранг» ҳайъати:
- Ва алайкум ассалом! Эмган болага эмиздирувчининг ҳама фарзандлари эмикдош ака-ука ёки опа-сингил бўлишади. Бу ерда сингил сут берган аёлнинг қизи бўлса эмган бола у қизга уйлана олмайди. Агар сингил эмизган аёлнинг қизи бўлмаса балки бегона бўлиб, унинг акасигина у аёлни эмган бўлса эмиздирган аёлнинг ўғлига ўзи эмизган бегона боланинг синглиси ҳалол бўлади. Чунки у қиз у болага насабий ҳам эмикдош ҳам сингил эмас. Валлоҳу аълам!
