Гўштнинг пулидан тўёна
16:50 / 20.10.2018 | Feruz | 3226
Ассалому алайкум! Ҳурматли Устозлар, ўртоғим билан тўйга 150кг гўштни пулидан тўёнага беришга келишганман. Аллоҳга шукур иккимизни хам тўйимиз бўлди, келишилган гўштни ўртоғимга 32мингдан, ўртоғим менга 1 йил ўтиб 38мингдан хисоблаб берди(мани фойдамга). Фарқ қилаётган 900минг судхўрлик эканлигини иккимиз яқинда билдик. Аллоҳ кечирсин нотўғри қилибмиз, харом луқма керак эмас. Энди шу 900мингни ман нима қилсам бўлади? Ўртоғимга қайтарайми ёки бошқа йўл тутишим керакми? Жавоб учун одиндан раҳмат!
«Зикр аҳлидан сўранг» ҳайъати:
- Ва алайкум ассалом! Берганингиздан ортиқчаси унинг ҳаққи бўлиб, ўша ортиқчасини ўзига қайтаришингиз шарт. Валлоҳу аълам!
