Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Уй эгасига бошқа нарх айтса хиёнат бўлмайдими?

18:56 / 29.10.2018 | Dilmurod | 2524
Ассалому алайкум! Ҳурматли устозлар, мен ишлаб чиқарувчи тадбиркорман. Яқинда бир одам мени қўнғироқ қилиб уй манзилини айтди ва "Мен уй эгаси эмасман сиз боринг ва уй эгасига махсулотингизни қимматроқ айтасиз. Мижоз рози бўлса устидаги пул меники" (масалан махсулотим 1000 сўм бўлса 1300 сўм дейсиз) деб айтди. Мен рози бўлдим, мижоз уйига борганимда мижоз бу махсулотни бошқа бир одам 1000 сўмга қўйиб бераман деб айтди ва сиз хам шу нархдан қилиб берсангиз розиман, бўлмаса керак эмас деди. Мен 1-сўраган одамга бу иш хақида айтсам у ундай бўлса қилиб берманг дейди. Бу холда қандай йўл тутганим маъқул? Бундай холат тез-тез қайтариладиган бўлди. Жавоб учун раҳмат.

«Зикр аҳлидан сўранг» ҳайъати:

- Ва алайкум ассалом! Расулуллоҳ соллаллоҳу алайҳи васаллам таҳорат олдилар. Шунда саҳобалар таҳорат сувига шошилдилар. Кимдир Расулуллоҳ соллаллоҳу алайҳи васалламнинг қўлларидан тушган сувни юзларига суртди, кимдир ичди яна кимдир нималар қилди. Расулуллоҳ соллаллоҳу алайҳи васаллам “Нега бундай қиляпсизлар” деб сўрадилар. “Сизга муҳаббат қилганимиз учун” дейишди. Шунда Расулуллоҳ соллаллоҳу алайҳи васаллам “Мен сизларга бир амални айтайми, уни қилсаларингиз Аллоҳ ва расулига муҳаббат қилган бўласизлар ва сизларнинг муҳаббатингиз Аллоҳ ва расулининг наздида мақбул бўлиб Аллоҳ ва расули ҳам сизларни яхши кўради” дедилар. “Ҳа я Расулуллоҳ” дейишди. “Уч амал бор. Шуни қилсаларингиз Аллоҳ ва расулига муҳаббат қиласизлар, Аллоҳ ва расули ҳам сизларга муҳаббат қилади. 1-гапирсангиз фақат рост гапиринг. Яъни ҳеч қачон ёлғон гапирманг. 2-омонатга хиёнат қилманг. Яъни ҳеч кимса ҳаққида маккорлик қилманг. 3-қўшнингизга яхши муомалада бўлинг” дедилар. Яна бир ҳадисларида “Мўмин ёлғончи бўлиши мумкин эмас” дедилар. Яна бир ҳадисларида “Мўмин мўминнинг ҳаққига хиёнат қиладиган маккор бўлмайди” дедилар. 

Афсуски ҳозирги кунда ёлғон гапириш, бошқаларни молини ноҳақдан қўлга киритиш маҳорат бўлиб қолди. Хусусан машина бозорларида, мол бозорларида, корхона ва заводларда ва яна ҳозирги тилда айтилганда прораб бўлиб ишловчилар хонадон эгаларига буюртма берганларни ҳаққини маккорлик билан ўғирлашмоқда. Дўкондан оладиган нарсаларнинг рўйхатини тузиб берилса дўкончи билан келишиб уй эгасини ҳаққини ўмаряпти. Усталар билан тил бириктириб уй эгасини ҳаққини ўмаряпти. Сиз каби ҳунармандлар ўртасига тушиб мижознинг ҳаққини ўғирлаяпти. Энг ачинарлиси ўша уриб қолвучиларни маълум бир йил ўтиб баданига пес тушмоқда, рак касалига дучор бўлмоқда, ўғирлаб едириб катта қилган боласи куйдирмоқда. Қизи эрдан ажрашиб келиб бузуқлик йўлига кириб кетмоқда. Хотини ўзгалар билан ҳаром алоқага кириб кетмоқда. Баларнинг барчасининг гуноҳи эса макр қилганнинг зиммасида қолади. Валлоҳу аълам!

Топ рейтинг www.uz Openstat