Масжидга чиқиш

Ассалому алайкум! Мен ислом.уз сайтининг телеграмдаги расмий каналида бир мақолани ўқиб қолдим. Бу мақола жамоат билан намоз ўқиш ҳақида, у ерда масжид қўшниси масжидда намоз ўқиши лозимлиги, азон овози эшитиладиган киши масжидга чиқиб намоз ўқиши кераклиги ҳамда бесабаб жамоатга чиқмаган киши ланатлангани ҳақида ҳадислар баён қилинган. Бизнинг уйга масжид азони жуда паст эшитилади масжидгача 10-12 дақиқалик йўл, мен фақат Бамдод (уйда бўлсам Пешинга ҳам) ва Ҳуфтон намозларига чиқаман лекин аср ва шом намозларига чиқмайман. Йўл бироз узоқлиги сабабли мен масжид қўшниси ҳисобланмайманми? Аллоҳ илмингизни зиёда қилсин.