Ота ёки она фолбинга буюрганда
22:12 / 01.02.2019 | shaxzod | 2520
Ассалому алайкум! Ҳурматли устозлар, ойим опамнинг оилавий муоммолари туфайли фолбинга элтишимни сўраябтилар. Аммо биламизки бу катта гуноҳ, кичик ширк демакдир аммо онам: Бу гуноҳ эмас, аҳир биз ҳеч кимга ёмонлик қилиш мақсадида бомаяпмиз деяптилар. Шунақа вазиятда ҳам онамни айтган гапларига киришим керакми? Жовобингизни кутиб қоламан. Хайрли ишларингиз давомли бўлсин.
«Зикр аҳлидан сўранг» ҳайъати:
- Ва алайкум ассалом!
عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مَنْ أَتَى حَائِضًا أَوِ امْرَأَةً فِي دُبُرِهَا أَوْ كَاهِنًا فَقَدْ كَفَرَ بِمَا أُنْزِلَ عَلَى مُحَمَّدٍ صَلَّى اللهُ عَلَيْهِ وَسَلَّمَ. رَوَاهُ التِّرْمِذِيُّ
Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Ким ҳайзли аёлга яқинлик қилса ёки аёл кишининг орқасидан яқинлик қилса ёхуд фолбинга борса, батаҳқиқ, Муҳаммад соллаллоҳу алайҳи васалламга нозил бўлган нарсага куфр келтирибди», дедилар».
Термизий ривоят қилган. Валлоҳу аълам!
