Абортига шерик бўлиб қолмайманми

Ассалому алайкум! Ҳурматли устозлар, жавобларингиз учун минг ташаккур, Аллоҳ рози бўлсин сизлардан. Мен акушер-гинекологман ва шу билан бирга ультратовуш врачи. Шу пайтгача фақат чала тушган ёки ривожланмаган хомилаларни аборт қиламан, хомила тирикми яқиним бўлсаям қилмаганман, лекин ултратовушда болани жинсини аниқлаш учун келишади. 12 хафтадан одатда юқори аниқликда кўраман. Шу пайтгача аниқ натижалар туфайли жинс масаласида беморларим жуда кўп. Ва қиз бўлса абортни режа қиладиганлари кўп бўлади. Қиз десам, аборт қилишдан қайтаришга уринаман. Туғинг, Аллоҳ фарзандни ризқи билан беради. Кейингиси ўғил бўлар, олдирманг дейман. Лекин улар кўпчилиги мани қиз дейишим билан абортга кетишади, билганидан қолмасдан. Ман бу холатда уларнинг абортига шерик бўляпманми? Албатта мен айтмасам хам қиз бўлса абортга қасдланган аёл бошқа жойда жинсини аниқлатиб аборт қилиши аниқ. Нима қилсам касбимни давом эттириб уларнинг гунохига шерик бўлмаслигим мумкин?