Закот бериш
07:53 / 17.03.2019 | Umid abdiyev | 2558
Ассалому алайкум! 1. Бозорда парфюмерия маҳсулотларини сотаман. Молим тахминан 60-70 миллион атрофида. Қарзим эса 15 миллион. Заҳирада тўплаб қўйган 200 $ пулим бор. Шу ҳолатда молимни ҳисобидан закот бермоқчиман. Шунга қанчасини берай ва кимларга?
2. Савдода кўп хотин-қизлар билан муомала қиламан, лекин уларни бўянишларига қаршиман. Аммо тирикчилигим, оиламни боқишим шу савдоимдан. Қайсидир маърузада “парфюмерия савдосини алмаштиринг гуноҳкор бўласиз”, деб эшитгандим. Нима қилай?
«Зикр аҳлидан сўранг» ҳайъати:
- Ва алайкум ассалом! 1). Бор пулингиздан 15 милионни чиқариб юбориб қолганини қирққа бўлинг. Чиққан натижани закот деб ният қилиб закот бермайдиган даражадаги инсонларга беришингниз мумкин.
2). Шунчалик тижорат қилишга лаёқатингиз бор экан сотаётган нарсаларингизни шариатга мувофиқ ёки хилофлигини ажрата олсангиз ҳам керак. Жоиз бўлганларини сотишингиз мумкин. Валлоҳу аълам!
