Мен иккиланяпман нима қилай?

Ассалому алайкум! Бўйим етган. Ўз ҳаёт йўлимни мустақил давом эттирадиган даврдаман. Лекин оила қуришга жуда қўрқяпман. Чунки ўз оилам, ота-онам тушунмовчиликлар сабабли ҳаётлари издан чиққан. Доим ниятларимда яхши, инсофли, ақлли, кўнглимдаги, мени тушунадиган инсонни сўраб ният қилганман. Хато қилишдан қўрқиб ўзимни доим назорат остида тутдим. Ҳаёт йўлимда бир инсон учради. У аввалига ўзим истаган, Аллоҳ тақдиримга ёзгани шу деб у билан муносабат қуришга қарор қилдим. Лекин энди у кўнглимдаги эмасдек. Сўкиб ҳақорат қиладиган, қиз болани товуқ мия деб ҳисоблайдиган йигит экан. Мен қандай билсам бўлади у тақдиримдаги инсонлигини?