Йўл кўрсатинг
22:00 / 29.04.2019 | DONIYOR | 1479
Ассалому алайкум! Душанбе шаҳридаги Ислом Институтида таҳсил олаяпман. Ҳозирда 2-курсман. Сизлардан бир насиҳат ва маслаҳатларингизга муҳтож бўлиб қолдим. Мен Қуръондан 10 жузъ ёд олдим. Ҳозирда асосий вазифам Қуръон ёдлаш. Бир амакимни ўғли ҳам шу мадрасани тугатган. Менга “Қуръондан 10 жуз ёд олган бўлсанг энди ёдлашни тўхтатиб, масалага ўт”, деди, яъни “Мухтасарул виқоя”ни. Аввал Қуръонни тўлиқ ёдлаб, кейин масалага ўтсам яхшими? Ёшим 20да. Мадраса дарсидан ташқари бир кунда бир бет ёдлайман.
«Зикр аҳлидан сўранг» ҳайъати:
- Ва алайкум ассалом! Мадраса дарсларига ҳалал бермаса Қуръонни тўхтатманг. “Мухтасар”ни ҳам ёдланг. Валлоҳу аълам!
