Кийиниш
02:49 / 11.05.2019 | Zulfiyaxon | 2304
Ассалому алайкум! Турмуш ўртоғим менга уйланишларидан аввал уйларида фақат ака-укалари ва ота-онаси яшашган. Оилада қиз фарзанд бўлмаган. Шунинг учунми билмадим ёз кунлари калта шортида бемалол юришган. Тўйимиздан кейин ҳам шундай юришда давом этишди. Қизлик уйимда бундай нарса бўлмаганлиги учунми жуда уяляпман. Эримга айтсам эркакларни аврати киндикдан тиззагача дейдилар. Шу ростми?
«Зикр аҳлидан сўранг» ҳайъати:
- Ва алайкум ассалом! Эрингизни аврат ҳақидаги гапи тўғри, лекин одоб-ахлоқ нуқтаи назаридан ака-укалари сизни олдингизда ундай юришлари жоиз эмас. Агар сонлари кўриниб турадиган бўлса бир-бирларининг олдида ҳам юриши жоиз эмас. Валлоҳу аълам!
