Жин
Ассалому алайкум! Шайх Муҳаммад Содиқ Муҳаммад Юсуф ҳазратларининг жинлар мавзусига оид савол-жавобларини ўқиб савол пайдо бўлди. У киши жин чалган кишиларни даволаш керак деганлар. Лекин шу жин чалган кишиларни ўқийдиганларнинг ва орқасидан фойда оладиган кишиларни қоралаганлар. Жин чалган кишиларни қорилар ўқиганда жин билан мулоқотга чиқишар экан. “Нега бу одамга тегаяпсан, исминг нима, мақсадинг нима” кабилардир. Шундай дейиш мумкинми? Жин чалган кишиларни ўқиш мумкинми? У ерда Ҳазратимиз “жинкаш” атамасини қўллаб кетибдилар. Шу “жинкаш” атамасига изоҳ берсангиз.
Ва алайкум ассалом! Устозимиз ўзларининг “Ҳадис ва Ҳаёт” китобларининг “Тиб ва Дам” жузъида руқия оятларни ўқиш тўғрисида кўплаб ҳадисларни келтирганлар. “Жинкаш”дан мурод “момоларим” , “боболарим” ёки “одамларим” деб жинлар билан алоқа қилувчиларни назарда тутганлар. Валлоҳу аълам.
