Талоқдан кейинги никоҳ
16:44 / 16.06.2019 | Мадина | 2759
Ассалому алайкум! Холам ва турмуш ўртоғи турмуш қурганларига бир йил бўлганда қаттиқ жанжаллашиб қолишган ва эс хушини йўқотадиган даражада жахл устида телефон орқали уч талоқ бўлган. Лекин ниятлари ажрашиш бўлмаган, айтишларича ёшлик қилишган экан. Холам хижобда, намозхон аёллар, қайта никох ўқитиб ажрашмай яшашган. Хозир икки ўғил ва икки қиз фарзандлари бор, хаммаларига қўлдан келганча диндан сабоқ беришган, одобли, солих ва солиха фарзандлари. Яқинда ҳаж сафарига навбатга ёзилишди, куну-тун ибодат қилиб Аллоҳдан кечирим сўраб тавба қилишади. Уларнинг хатолари кечириладими, охиратлари куйиб кетмайдими? Аллоҳни рози килиш учун яна нималар қилишлари керак?
«Зикр аҳлидан сўранг» ҳайъати:
- Ва алайкум ассалом! Аллоҳни рози қилиш учун нафсига ёқадиган ва ёқмайдиган ҳар бир ўринда Аллоҳнинг ҳукмига рози бўлиш керак. Биз уларнинг асл ҳолатидан мутлақо бехабармиз. Валлоҳу аълам!
