Саҳоба-ҳаворий ҳақида
09:27 / 01.08.2019 | Абдужамол | 1922
Ассалому алайкум! Ибн Аббос бундай дейдилар: «Зубайр ибн ал-Аввом Расулуллоҳ саллаллоҳу алайҳи ва салламнинг ҳаворийлари (ёрдамчилари)дурлар. (Исо алайҳиссаломнинг саҳобалари) кийимлари оқ бўлгани учун «ҳаворийлар» деб аталганлар», — дейдилар». («Ҳаворий» — матони оқ рангга буёвчи ёки оқ кийим кийган кишидур). Шу хадисни тушунтириб берсангизлар. Исо алайҳиссаломнинг сахобалари деганда нима назарда тутилган ?
«Зикр аҳлидан сўранг» ҳайъати:
– Ва алайкум ассалом! Ийсо алайҳиссаломга ҳаворий бўлган кишилар у кишига энг яқин бўлган ёрдамчилар ҳисобланадилар. Кўп инсонлар ичидан ҳаворийлар яъни матони оққа бўёвчи касб эгалари “Биз ёрдамчиларингизмиз” деганлар. Шундан ёрдамчилар ҳаворийлар деб танилиб қолган. Ҳатто бу бўёқчилик касб эгасидан ёрдамчи инсонлар лақабига айланиб қолган. Расулуллоҳ соллаллоҳу алайҳи васаллам ҳам ҳадисларида ўша лақабдан фойдаланганлар. Валлоҳу аълам!
