Телефонни бўлиб тўлашга сотиш
Ассалому алайкум! Мен уяли алоқа воситалари савдоси билан шуғилланаман. Мен нақд тўловга савдо қиламан. Энди фаолиятни кенгайтириш мақсадида (рассрочкага) яъни пулни ойма-ой бўлиб-бўлиб тўлаш шарти билан савдони йўлга қўймоқчиман. Банк иштирокисиз. Ўзим нақд пулга четдан товарларни сотиб олиб келганман. Бунда биз келган мижозга 2та таклиф берамиз. Биринчиси битта телефон нақд пулга 1 миллионга сотилса, иккинчи таклиф эса агар маблағи етмаса шу 1 миллионлик телефонн муддатли тўлов (6 ой) ойма-ой бўлиб тўлаш шарти билан 1 ярим миллионга таклиф қилмоқчимиз. Нақдга бошқа, бўлиб тўлашга эса сал қимматроқ сотилишини айтиб сотмоқчиман. Шунда шу иш менга халол бўладими? Бу рибо бўлмайдими?
– Ва алайкум ассалом! Икки нархни айтишингиз жоиз, лекин савдо иккисидан бирига тайин бўлган ҳолатда тугасин. Эртароқ олиб келсангиз бу кечроқ олиб келсангиз бу деб икки нархга келишилган ҳолда тугатманглар. Валлоҳу аълам!
